მომსახურების პირობები

ვინ გთავაზობთ მომსახურებას?

მომსახურებას გთავაზობთ შპს „დუოვა“ (საიდენტიფიკაციო კოდი 402381025), რომელიც საქმიანობს ბრენდით Webu. მისამართი: თბილისი, ჟიული შარტავას 40. კონტაქტი: hello@webu.ge, +995 32 219 22 70.

როგორ ვთანხმდებით სამუშაოზე?

სამუშაოს დაწყებამდე ერთად ვადგენთ Scope-ს: რა შედის პროექტში, ვადები და ღირებულება. Scope და პირობები წერილობით ფიქსირდება ხელშეკრულებაში ან ინვოისში.

საიტზე მითითებული ფასები საწყისია („-დან“). საბოლოო ღირებულება Scope-ის შეთანხმების შემდეგ დგინდება. Scope-ს გარეთ დამატებითი სამუშაო ცალკე ფასდება და მხოლოდ კლიენტის თანხმობით სრულდება.

როგორ ხდება გადახდა?

• პროექტის ღირებულება ეტაპობრივად იხდება: 40% სამუშაოს დაწყებისას, 30% დიზაინის დადასტურებისას და დარჩენილი 30% გაშვებისას
• ღირებულება შეიძლება 12 თანაბარ ყოველთვიურ გადახდად გადანაწილდეს, ზედმეტი თანხის გარეშე
• პროექტის ერთიანად წინასწარ გადახდისას მოქმედებს 10% ფასდაკლება
• Webu Care, SEO და სხვა ყოველთვიური მომსახურება ყოველთვიურად იხდება
• გადახდა შესაძლებელია საბანკო ბარათით ან გადარიცხვით. ფასები მითითებულია ლარში

რა ვალდებულებები აქვს Webu-ს?

• შეასრულოს სამუშაო შეთანხმებული Scope-ისა და ვადების მიხედვით
• გაშვებამდე შეამოწმოს პროექტის სიჩქარე, მობილური ვერსია, უსაფრთხოება და SEO
• კლიენტს მისცეს წვდომა დომენზე, კონტენტსა და მონაცემებზე
• კონფიდენციალურად შეინახოს კლიენტის მიერ გადმოცემული ინფორმაცია

რა ვალდებულებები აქვს კლიენტს?

თუ კლიენტის მხრიდან მასალები ან დადასტურება იგვიანებს, პროექტის ვადა შესაბამისად გადაიწევს.

• დროულად მოგვაწოდოს პროექტისთვის საჭირო მასალები: ტექსტები, ფოტოები, ლოგო და წვდომები
• დროულად დაადასტუროს ან შენიშვნებით დააბრუნოს დიზაინი და სამუშაოს ეტაპები
• შეთანხმებული ღირებულება ვადაში გადაიხადოს
• ჰქონდეს გადმოცემული მასალების გამოყენების უფლება

ვის ეკუთვნის შედეგი?

დომენი, კონტენტი და მონაცემები კლიენტს ეკუთვნის. კოდზე უფლებები და მესამე მხარის ლიცენზიები (შრიფტები, პლაგინები, ფასიანი სერვისები) ხელშეკრულებაში მკაფიოდ იწერება.

როგორ წყდება თანამშრომლობა?

პროექტის შეწყვეტა ორივე მხარეს შეუძლია წერილობითი შეტყობინებით. ამ შემთხვევაში კლიენტი იხდის უკვე შესრულებული სამუშაოს ღირებულებას, ხოლო გადახდილი თანხა ბრუნდება თანხის დაბრუნების პოლიტიკის მიხედვით.

ყოველთვიური მომსახურების (Webu Care, SEO) შეწყვეტა შესაძლებელია ნებისმიერ დროს, მომდევნო თვიდან.

რას არ ვიძლევით გარანტიით?

Google-ში კონკრეტულ პოზიციას, გაყიდვების რაოდენობას ან რეკლამის კონკრეტულ შედეგს პატიოსნად ვერავინ დაგპირდებათ, ამიტომ ასეთ გარანტიას არ ვიძლევით. ვიძლევით გამჭვირვალე ანგარიშს შესრულებულ სამუშაოსა და შედეგებზე.

როგორ წყდება დავები?

დავებს პირველ რიგში მოლაპარაკებით ვაგვარებთ. თუ შეთანხმება ვერ მოხერხდა, დავა საქართველოს კანონმდებლობით, საქართველოს სასამართლოში წყდება.

ხშირად დასმული კითხვები