თანხის დაბრუნების პოლიტიკა
განახლებულია: · Webu
სამუშაოს დაწყებამდე გადახდილ თანხას სრულად ვაბრუნებთ. სამუშაოს დაწყების შემდეგ ვაბრუნებთ იმ სამუშაოს თანხას, რომელიც ჯერ არ შესრულებულა. თანხა ბრუნდება იმავე გზით, რომლითაც გადაიხადეთ, მოთხოვნის დადასტურებიდან 10 სამუშაო დღეში.
- სამუშაოს დაწყებამდე
- თანხა სრულად ბრუნდება
- დაბრუნების ვადა
- 10 სამუშაო დღე
- მოთხოვნა
- hello@webu.ge
როდის ბრუნდება თანხა სრულად?
თუ პროექტზე სამუშაო ჯერ არ დაწყებულა, გადახდილი თანხა სრულად ბრუნდება. ასევე სრულად ბრუნდება შეცდომით ან ორჯერ გადახდილი თანხა.
რა ხდება, თუ სამუშაო უკვე დაწყებულია?
პროექტი ეტაპებად სრულდება. თანამშრომლობის შეწყვეტისას კლიენტი იხდის მხოლოდ უკვე შესრულებულ სამუშაოს: დასრულებული ეტაპების და მიმდინარე ეტაპზე შესრულებული სამუშაოს ღირებულებას.
წინასწარ გადახდილი თანხა, რომელიც ჯერ შეუსრულებელ სამუშაოს ეკუთვნის, ბრუნდება. 12 თვეზე გადანაწილებისას ანგარიშსწორება იმავე წესით ხდება: ბრუნდება ზედმეტად გადახდილი თანხა, ან კლიენტი იხდის შესრულებული სამუშაოს დარჩენილ ღირებულებას.
ბრუნდება თუ არა ყოველთვიური მომსახურების თანხა?
Webu Care-ს, SEO-ს და სხვა ყოველთვიურ მომსახურებას ნებისმიერ დროს შეწყვეტთ. შეწყვეტა მომდევნო თვიდან მოქმედებს. მიმდინარე, უკვე დაწყებული თვის თანხა არ ბრუნდება, ხოლო მომდევნო თვეებისთვის წინასწარ გადახდილი თანხა სრულად ბრუნდება.
რა არ ბრუნდება?
- უკვე შესრულებული და ჩაბარებული სამუშაოს ღირებულება
- კლიენტისთვის შეძენილი მესამე მხარის სერვისები: დომენი, ლიცენზიები, ფასიანი სერვისები
- რეკლამაზე უკვე დახარჯული სარეკლამო ბიუჯეტი
რა ხდება, თუ შედეგი შეთანხმებას არ შეესაბამება?
თუ ჩაბარებული სამუშაო შეთანხმებულ Scope-ს არ შეესაბამება, მას უფასოდ ვასწორებთ. თუ გასწორება შეუძლებელია, შეუსაბამო ნაწილის ღირებულება ბრუნდება.
როგორ მოვითხოვო თანხის დაბრუნება?
ბარათზე თანხის ასახვის დრო ბანკზეც არის დამოკიდებული. თანხას აბრუნებს შპს „დუოვა“ (ს/კ 402381025), ბრენდი Webu. თუ ხელშეკრულება თანხის დაბრუნების სხვა პირობებს ადგენს, მოქმედებს ხელშეკრულება.
- მოგვწერეთ hello@webu.ge-ზე ან დაგვირეკეთ +995 32 219 22 70-ზე
- მიუთითეთ სახელი, პროექტი ან ინვოისის ნომერი და დაბრუნების მიზეზი
- მოთხოვნას 5 სამუშაო დღეში განვიხილავთ და გაცნობებთ გადაწყვეტილებას
- დადასტურებული თანხა 10 სამუშაო დღეში ბრუნდება იმავე გზით, რომლითაც გადაიხადეთ: ბარათით გადახდისას იმავე ბარათზე, გადარიცხვისას იმავე ანგარიშზე
ხშირად დასმული კითხვები
რამდენ ხანში დამიბრუნდება თანხა?
მოთხოვნის დადასტურებიდან 10 სამუშაო დღეში, იმავე გზით, რომლითაც გადაიხადეთ. ბარათზე ასახვის დრო ბანკზეც არის დამოკიდებული.
შემიძლია Webu Care-ის შეწყვეტა?
დიახ, ნებისმიერ დროს. შეწყვეტა მომდევნო თვიდან მოქმედებს.
მოგვწერეთ კითხვით
ჯერ ვიგებთ თქვენს ბიზნესს, შემდეგ ვქმნით მისთვის სწორ გადაწყვეტას. პირველი 30-წუთიანი კონსულტაცია უფასოა.